ஹைக்கூ ! ( சென்றியு ) கவிஞர் இரா .இரவி !
மண்டபங்களை விட
காவல் நிலையங்களில் அதிகம்
திருமணம் !
திருந்துங்கள்
கௌரவம் இல்லை
கௌரவக்கொலை !
ஆடியவர் அடங்கினார்
மற்றவர்கள் ஆடினர்
பிணத்தின் முன் !
புது மொழி
கற்றது கணினி அளவு
கல்லாதது இணைய அளவு !
தந்தது
தினமும் வலி
தீபாவளிக்கடன் !
விவசாய நாட்டில்
காட்சிப்பொருளானது
ஏர் கலப்பை !
பரவும் கொடிய நோய்
மருந்து காணுங்கள்
தமிங்கிலம் !
பெருகப் பெருக
பெருகியது வன்முறை
மதுக்கடை !
அன்று மது விலக்கு
இன்று மதுக்கடைக்கு விளக்கு
குடிமகன்கள் பெருக்கு !
மன இருள்
அகற்றும் விளக்கு
திருக்குறள் !
தெருவுக்குத் தெரு
மாநிலத்திற்கு ,மாநிலம்
தண்ணீர் சண்டை !
விடுவதில்லை
ஒலிவாங்கி கிடைத்தால்
அரசியல்வாதிகள் !
கொழித்து விடுகின்றனர்
ஊழல் !
பேராசை பெரும் நஷ்டம்
சிறையின் அறையில்
அரசியல் தலைவர் !
மாசாகும்
மனிதன் சென்றால்
விட்டு விடுங்கள் செவ்வாயை !
சொன்னது கருத்து
பேசியது ஓவியம்
ஓவியர் உள்ளம் !
ஆண் படித்தால் அவனுக்கு
பெண் படித்தால் குடும்பத்திற்கு
நன்மை !
நன்றி
அன்புடன்
கவிஞர் இரா .இரவி
கருத்துகள்
கருத்துரையிடுக