ஹைக்கூ ( சென்றியு ) கவிஞர் இரா .இரவி !
வேண்டாம் கொலுசு
கூடலில்
வண்டுகள் !
.jpg)
எட்டுப்பொருத்தம் இருந்த
இணையருக்குள்
ஏழாம்பொருத்தம் !
தேவையற்ற சொற்கள்
நீக்கிடப் பிறக்கும்
ஹைக்கூ !
சமாதானமாகிவிடுங்கள்
உணர்த்தியது
நரை !
ஒளி தருவதாகச் சொல்லி
இருளையே தருகின்றனர்
அரசியல்வாதிகள் !
நிரந்தரமில்லை
முகவரி
வாடகைக்கு குடியிருப்போருக்கு !
வளர் பிறையாக தனியார் பள்ளிகள்
தேய் பிறையாக அரசுப் பள்ளிகள்
வேண்டாம் அமாவசை !
உணவு உடை உறைவிடம்
இலவசம்
நடிகர் !
ஓய்வே இல்லை
தினமும் வேலை
சுடுகாடு !
கவலை நீக்கி
களிப்பைத் தரும்
மழலையின் சிரிப்பு !
மனிதனுக்கு அழகு
மூன்று எழுத்து முத்தாய்ப்பு
அன்பு !
நன்றி
அன்புடன்
கவிஞர் இரா .இரவி
கருத்துகள்
கருத்துரையிடுக