ஹைக்கூ ! கவிஞர் இரா .இரவி !
பொங்கலுக்குள் அனுமதித்து இருந்தால்
பொங்கி இருக்க மாட்டார்கள்
மாணவர்கள் !
உச்ச நீதிமன்றம்
உச்சம் இழந்தது
அவமானமே மிச்சம் !
மக்கள் எழுச்சியால்
மண்டியிட்டது
பீட்டா !
அயல்நாட்டுக் குளிர்பானம்
விரட்ட உதவிய
பீட்டாவிற்கு நன்றி !
இப்படை போதுமா
இன்னும் கொஞ்சம் வேணுமா
மிரட்சியில் அரசியல்வாதிகள் !
ஏறு தழுவுதல் என்பதை
மிருகவதை என்போர்
மூடர் கூட்டம் !
ஆட்டம் கண்டது
ஓட்டம் எடுத்து
பீட்டா !
கருத்துகள்
கருத்துரையிடுக