தினமணி கவிதைமணி இணையம் தந்த தலைப்பு ! நிலா விடு தூது ! கவிஞர் இரா .இரவி !

தினமணி கவிதைமணி இணையம் தந்த தலைப்பு !

நிலா விடு தூது ! கவிஞர் இரா .இரவி !

சங்க காலத்தில் இருந்தது நிலா விடு தூது 
சிறப்பான இக்காலத்தில் அலைபேசி விடு தூது !

தகவல் தொடர்பு இல்லாத காலத்தில் 
தலைவி நிலாவைத் தூது விட்டாள் அன்று !

அமெரிக்காவில் இருந்துக் கொண்டே இன்று
அலைபேசியில் முகம் பார்த்துப் பேசுகிறாள் !

நிலாவில் நீர் உள்ளது என்று இன்று 
நன்றாக ஆராந்து அறிவித்தான் தமிழன் !

நிலாவிற்கு அன்றே ஈரமுண்டு என்றுதான் 
நங்கை அதனை தலைவனுக்குத் தூது விட்டாள்  ! 

நிலவை சாட்சியாக வைத்து காதலித்த 
நீங்காத நினைவுகள் காதலருக்கு உண்டு !

நிலவு பார்த்ததே என்றே பயத்தால் 
நின் கரம் பிடித்தேன் என்றவர்கள் உண்டு !

நிலவுக்கும் காதலுக்கும் அன்றும்  என்றும் 
நெருங்கிய தொடர்பு உண்டு !

நிலவு பேசாது தன்னோடு பேசியதாக 
நாளும் கற்பனை செய்பவர்கள்  உண்டு !

நிலா விடு தூது இன்று காதலர்களிடையே 
நின்று விட்டப்  போதிலும் இன்றும் !

நிலாவின் மீதான காதல் காதலர்களுக்கு 
நாளும் இருந்துக் கொண்டே இருக்கின்றது ! 

புதுமண  இணைகள் செல்லும் சுற்றுலாவை  
புதுமையாக தேன்நிலவு என்று பெயர் வைத்தனர் !

இனி வருங்காலத்தில் புதுமண  இணைகள்
இனிய நிலாவிற்கே சென்று வரும் காலம் வரும் !

கருத்துகள்