ஹைக்கூ ! கவிஞர் இரா .இரவி !
நேர்மையின் உச்சம்
நாணயத்தின் எச்சம்
கக்கன் !
அறம் செய்ய விரும்பு
விரும்பினால் போதாது
செய்க அறம் !
உண்ணும் உரிமை பறிக்க
யாருக்கும் இல்லை
உரிமை !
தோற்றது
புவி ஈர்ப்பு விசையிடம்
விழி ஈர்ப்பு விசை !
பக்தர்களின் பேராசை
பிரமாண்டமான
புத்தர் சிலை !
என்னை வணங்குவதை விட
பின்பற்றுவது சிறப்பு
சொன்னார் புத்தர் !
கற்பித்தன
மலர்ச்சி
மலர்கள் !
உடலும் உடையும்
சுத்தமாக
மனம் ?
எண்ணம் செயல்
அழகானால்
அழகாவாய் !
ஒரே மாதிரி இன்றி
ஒவ்வொரு மாதிரி
இதழ்களில் ராசிபலன் !
பத்துப்பொருத்தம் பார்த்து
முடித்த இணைகளுக்கு
மணவிலக்கு !
போனால் வராது
பொன்னிலும் மேலானது
நேரம் !
குரு சீடர்
கருத்து வேறுபாடு காரணமானது
மட்டை விளையாட்டில் தோல்வி !
கவலைகள் காணாமல் போகும்
ரசித்துப் பாருங்கள்
அந்தி வானம் !
கருத்துகள்
கருத்துரையிடுக